個小朋友叫麦子卓，今年5岁，仲读紧幼儿园。但系点都估唔到，佢竟然身怀绝技，打得一手好波！背后拍球、胯下运球，双手运球，唔单只我哋网友睇到擘大个口，连专业运动员都赞佢“有天赋，好叻！”
麦子卓小朋友系屋企嘅店门口练球
佢爸爸话：麦子卓系2岁半果阵时有咗佢自己嘅篮球，平时就系店门口拍球，经常一拍就几粒钟。读幼稚园之后，翻到屋企都会拍一阵，仲经常同爸爸一齐睇NBA，上网搜篮球视频，同科比嘅师傅学运球！
4岁开始，麦子卓就经常同附近嘅小学生一齐打篮球，做组织后卫。旧年下半年，佢嘅球友已经换成初中生！
呢个简直就系《灌篮高手》入边日本全国第一嘅“山王队”王牌9号沢北成长过程嘅翻版！
佢嘅愿望系“打好篮球，加入球队”。
你一定掂嘅！加油！麦子卓，有朝一日你会同漫画个沢北咁样，成为全国瞩目嘅王牌！
猛戳视频，为麦子卓打气↓↓↓
